Volt Malta u l-Kandidat għall-MPE Matthias Iannis Portelli – Spejjeż tal-Kampanja għall-Elezzjonijiet Ewropej 2024
Volt Malta u l-Kandidat tagħha għall-MPE, Matthias Iannis Portelli, nefqu kollettivament €1,279.75 għall-Kampanja tal-Elezzjonijiet Ewropej 2024. Dan jinkludi €102.98 li ntefqu biex iċ-ċittadini tal-UE jiġu mħeġġa jirreġistraw biex jivvutaw f’Malta.
L-għan tal-kampanja ta’ Volt Malta għall-Elezzjonijiet tal-Parlament Ewropew 2024 kien primarjament li tqajjem aktar għarfien dwar il-partit fuq livell nazzjonali u li tkun parti mill-kampanja pan-Ewropea ta’ Volt Europa li saret f’15-il pajjiż u li wasslet għall-elezzjoni ta’ 5 Membri tal-Parlament Ewropew, u għall-ksib ta’ 1.4 miljun vot madwar l-UE.
Fl-2019 Volt Europa ħadet sehem f’7 pajjiżi, kisbet 416,171 vot u eleġġiet Membru wieħed tal-Parlament Ewropew.
L-ispejjeż tal-partit għall-Elezzjonijiet tal-UE 2024 kienu:
Business Cards | €37.59 |
Flyers printing (register to vote EU citizens) | €52.89 |
Flyers printing (MEP Campaign) | €238.93 |
Posters printing | €27.13 |
Google Ads | €216.03 |
Social Media Ads (register to vote EU citizens) | €50 |
Social Media Ads (MEP Campaign) | €358.88 |
Total | €981.45 |
L-ispejjeż tal-kandidat għall-Elezzjonijiet tal-UE 2024 kienu:
Nomination for Election | €90.00 |
Flyer Distribution (Maltapost) | €99.00 |
Stationary supplies and services | €54.80 |
Transportation (cabs and ferries) | €54.50 |
Total | €298.30 |
Kollettivament, il-kampanja swiet €1,279.75. Nittamaw li l-partiti u l-kandidati l-oħra juru l-istess livell ta’ trasparenza.
Dak li ma jissemmax huma s-sigħat kollha li l-voluntiera taw biex iqassmu l-maġġoranza l-kbira tal-flyers u jqajmu l-għarfien dwar il-partit madwar Malta u Għawdex.
Aħna kuntenti li din l-elezzjoni Ewropea, kif ukoll dik tal-kunsilli lokali, qed turi interess dejjem jikber f’vuċijiet differenti li jirrappreżentaw lill-pubbliku, u aħna ottimisti li din it-tendenza tkompli.
Billi kienet l-ewwel elezzjoni Ewropea ta’ Volt Malta, tat bażi minn fejn tkompli tikber. Peress li hija parti minn Volt Europa, se tappoġġja x-xogħol tal-5 Membri tal-Parlament Ewropew eletti biex iwettqu l-programm elettorali.
Fl-istess ħin bdejna naħdmu fuq il-proġett soċjali li jmiss u se nimmiraw li nsaħħu l-proġetti eżistenti tagħna; #INeedMAP u #PolitikaOnesta.
Fl-2024, Volt ipparteċipat fl-Elezzjonijiet Ewropej fil-Belġju, il-Bulgarija, Ċipru, iċ-Ċekja, Franza, il-Ġermanja, il-Greċja, l-Italja, il-Lussemburgu, Malta, in-Netherlands, il-Portugall, is-Slovakkja, Spanja u l-Iżvezja.